2020 оны Шанхайн марафон болов

11-30-2020 16:40

2020 оны Шанхайн марафон энэ сарын 29-ний өдөр Вайтанд эхлэв. Тус удаагийн марафон нь энэ жил олон нийтийг хамруулан зохион байгуулсан томоохон арга хэмжээ гэдгээрээ онцлог юм. Оролцох тамирчдын тоог 38000-аас цөөлж 9000 хүн болгосны зэрэгцээ өвчин халдварын дэглэмийг чанд баримталж, уралдааны өмнө ариутгал халдваргүйжүүлэлт маш сайн хийсэн байна. Гүйлтийн зам дагуу үзэгч дэмжигчдийг адил бус чигт тараан суулгажээ. Мөн хэдэн мянган эмч ажилтан эмнэлгийн тусламж үйлчилгээ үзүүлэхээр бэлэн байдалд ажиллав.