Өвөр Монголын их сургуулийн багш, доктор профессор Б.Гэрэлт, Б.Сүхээ Тунляо хотын Найман хошуунд өнөөдөр нээлтээ хийсэн Тата Тунгагийн бичиг соёлын музейн нээлтийн үеэр монгол, хятад, япон, солонгос, орос, манж, түвд, кирилл бичгээрх 20 мянган ном хандивлалаа.
Бэлгийн номон дотор Бөххишигийн эрхлэн гаргаж байсан “Улаан бар” сэтгүүлийн гэрэл зургийн антологиуд болон “Улаан бар” сэтгүүлийн эмхэтгэл хийгээд судалгааны ботиос 400 ширхэг байгаа нь онцгой үнэ цэнэтэй бүтээл юм. Тус музейн нээлтэд зориулан хийсэн Монгол хэл соёлын эрдэм шинжилгээний хуралд ӨМБИС-ийн багш, доктор профессор Бүрэнбат, ӨМИС-ийн багш, доктор профессор Гарьд тэргүүтэй Өвөр монголын эрдэмтэн судлаачид, Бээжингийн монгол хэлт байгууллагын төлөөллүүд оролцлоо.
БНХАУ-ын дарга Ши Жиньпин энэ жил Өвөр Монголд айлчлахдаа "Үндэстний цөөнхийн соёлыг хамгаалах, өвлүүлэхэд анхаарах шаардлагатай байна" гэдгийг онцолж, "Бид эртний монгол номын цуглуулга, зохион байгуулалт, хамгаалалтад тавигдах шаардлагыг бэхжүүлэх ёстой" гэж тэмдэглэсний дагуу холбогдох байгууллагуудаас хийж хэрэгжүүлж байгаа ажлын нэг нь энэ юм.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
