БНХАУ-д сүүлийн жилүүдэд эхийн эрүүл мэндийг хамгаалах тогтолцоо эрс сайжирч, эмнэлгийн тусламж үйлчилгээ хөдөө, алслагдсан муж, сууринд ч хүрч буй учир эх болоод нярайн эндэгдэл буурч байгааг тус улсын Эрүүл мэндийн асуудлаарх улсын хорооноос гаргасан тайланд онцлон дурдсан байна.
Тухайлбал, сүүлийн зургаан жилийн хугацаанд хот, суурин газарт хүүхэд төрүүлсэн нийт эхчүүдийн 99 хувь нь төрөх эмнэлэгт, эмч нарын хяналтан дор нярайлжээ. Харин хөдөө орон нутаг, алслагдсан тосгонд дээрх үзүүлэлт 51.7 хувьтай байгаа юм.
Өнгөрсөн оны үзүүлэлтээс харвал эхийн эндэгдэл 100 мянган хүн тутамд 18.3 хувиар буурч, 1990 оныхоос 79.4 хувиар доошилсан аж. Нөгөөтэйгүүр, төрөлт ба эх, нярайн эндэгдлийн харьцаа муж, хот бүрт харилцан адилгүй байна. Хөдөө орон нутагт эхийн эндэгдэл 1990 оны үзүүлэлттэй харьцуулахад 67.2 хувиар буурсан бол хотод 81.2 хувиар доошилжээ.
Хятадын Эрүүл мэндийн яам, Эрүүл мэндийн асуудлаарх улсын хороо хамтран жирэмсэн, нярай хүүхэдтэй эхийн эмнэлгийн хяналт, үйлчилгээг сайжруулах, болзошгүй эрсдэл үүсэхэд яаралтай тусламж үзүүүлэх нөхцөлийг бүрдүүлэхэд анхаарч ажиллаж байгааг мөн тайланд онцолсон юм.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
