Swire Coca-Cola компани нь Хятад улсад хэрэгжүүлэх дэлхийн стратеги төлөвлөгөөндөө илүү анхаарлаа хандуулан ажиллаж, компанийн Хятад дахь удирдлагын төв байраа Хонконгоос нүүлгэн Шанхайн хотын Пудун дүүрэг рүү шилжүүлэхээр болсон гэдгээ мэдэгджээ.
Энэ ажлын хүрээнд тус компани лхагва гарагт шинэ удирдах газар байрших орон нутгийн удирдлагуудтай стратегийн хамтын ажиллагааны санамж бичигт гарын үсэг зурсан байна. Энэхүү санамж бичигт дурдсанаар, Пудуны шинэ бүсэд хөрөнгө оруулалтыг нэмэгдүүлж, Хятад дахь төв байраа нүүлгэн шилжүүлэх юм. Coca-Cola компанийн дэлхийн хамгийн том салбарын нэг болох Swire Coca-Cola нь Хятадын эх газар, Тайвань, Хонконг, Шанхай хот болон 11 мужийн дэвсгэрт Кока-Кола компанийн бүтээгдэхүүнийг үйлдвэрлэх, борлуулах, түгээх онцгой эрхийг эзэмшдэг байна. 2018 онд "Swire Coca-Cola" компанийн жилийн борлуулалт өсөлттэй гарсан бөгөөд 1,6 тэрбум ширхэг хийжүүлсэн ундаа борлуулсан гэсэн тооцоо гарсан юм. 2019 оны эхний хагасын байдлаар Шанхай хотын Пудун дүүрэг 4,22 тэрбум ам.долларын гадаад хөрөнгө оруулалтыг бүс нутагтаа татан авчирсан нь жилээс жилд 4,1 хувиар өссөн үзүүлэлт аж. Түүнчлэн өнгөрсөн онд Apple , спорт барааны Decathlon зэрэг үндэстэн дамнасан 11 корпорацийн удирдах газар тус бүс нутагт нээгдэн үйл ажиллагаагаа явуулж байгаа.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
