Японы автомашин үйлдвэрлэгч Тоёота компани нь Хятадын автомашин үйлдвэрлэгч BYD компанитай цахилгаан хөдөлгүүрт автомашины зах зээлд хамтран ажиллахаар болсноо зарлажээ.
Түүнчлэн тус хоёр компани 2025 оноос өмнө өөрсдийн хамтран бүтээсэн шинэ бүтээгдэхүүнийг автомашины зах зээлд нийлүүлэхээр тохиролцсон байна. Тус хоёр компани хамтран суудлын болон спорт загварын машиныг Тоёота брэндийн нэртэйгээр худалдаанд гаргахаар төлөвлөжээ. Цаашид цахилгаан хөдөлгүүр болон цэнэг хураагуур /батарей/ ашиглалтын технологийг улам сайжруулж илүү их хэрэглэгч татсан автомашин үйлдвэрлэхээр зэхэж байгаа талаар компанийн удирдлагууд мэдээлжээ. Өнгөрсөн долоо хоногт Тоёота компани мөн Хятадын өөр нэг автомашин үйлдвэрлэгч CATL компанитай хамтран ажиллах болсноо зарласан юм. Тус компанитай батарей ашиглан ажилладаг байгальд ээлтэй хөдөлгүүрт машин үйлдвэрлэхээр тохиролцжээ. Тоёота компани нь 2020 оны эхний хагас гэхэд дэлхий нийтээр цахилгаан хөдөлгүүрт 10 шинэ загварын машин танилцуулна гэдгээ мэдэгдээд байгаа билээ. Үүний хүрээнд Хятадын автомашин үйлдвэрлэгч компаниудтай хамтран ажиллах ажлаа эрчимжүүлж байгаа аж. Ройтерс агентлагийн мэдээлснээр, Тоёота компани дэлхий нийтээр цахилгаан болон бензин хосолсон хөдөлгүүрт автомашины борлуулалтаа нэмэгдүүлэхээр зорин ажиллаж байгаа бөгөөд үүнийгээ биелүүлэхэд тэдэнд илүү их батарей шаардлагатай болно. Тэдний гол хамтрагч Panasonic Corp хүрэлцэхүйц байдлаар хангамж нийлүүлж чадахгүй хэмээн тооцоолсны үндсэн дээр Хятадын компаниудтай хамтын ажиллагаагаа өргөжүүлж байна хэмээн мэргэжилтнүүд таамаг дэвшүүлж байгаа юм.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
