Хятадын Төмөр замын шинжлэх ухаан, үйлдвэрлэлийн корпорацийн Үхань хот дахь салбар “тэнгэрийн галт тэрэг” гэгддэг дүүжин галт тэрэгний замыг энэ оны эцэс гэхэд ашиглалтад оруулахаар төлөвлөж буй тул шинэхэн галт тэргийг ойрын хугацаанд туршихаар зэхэж байна. Галт тэрэгний их биеийг хэдийн барьж дууссан бөгөөд бүхээг бүр нь ойролцоогоор 11 метр урт, 2.4 метр өргөн байх аж. Нэг галт тэрэг 3-5 бүхээгтэй, бүхээг бүр нь 300-400 зорчигч суух багтаамжтай, нэг цагт нийтдээ 100 мянган хүнд үйлчлэх гэнэ. Харин газраас 500 метрийн өндөрт байх км гаруй урт гүүрэн замынх нь ажил хараахан дуусаагүй байна. Метро, галт тэрэгний нийлбэр гэж болох энэхүү “тэнгэрийн галт тэрэг”-ний дээд хурд 70 км/цаг бөгөөд ашиглалтад орох үедээ Хятадын хамгийн хурдан дүүжин тээврийн хэрэгсэл болох аж.
Үхань хотын дүүжин галт тэрэгний туршилт амжилттай болж, хотын нийтийн тээвэрт “тэнгэрийн метро” үйлчилж эхэлбэл Хятад улс Герман, Японы дараа орох ийм төрлийн нийтийн тээвэртэй дэлхийн гурав дахь улс болох юм байна. Сычуань мужийн Лэшань, Шаньси мужийн Ханьжун хотынхон мөн ойрын хугацаанд дүүжин метротой болох зорилт тавьжээ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
