Хятадын өмнөд хэсгийн Хайнань мужид 2020 оноос хогийг ангилан хаядаг болохоор төлөвлөж байгаа бөгөөд Хайкөү хотын захиргааны мэдээлж буйгаар, үүний үндсэн бэлтгэл ажлыг хангаад буй аж. Хайнань мужийн хот төлөвлөлтийн газраас онцолж буйгаар, хог ангилан хаях ерөнхий төлөвлөгөөг гаргаж, хог хүлээн авах цэг, хогийн савыг урьдчилан бэлдэж эхэлжээ.
Мэргэжилтнүүдийн үзэж буйгаар, ингэснээр ахуйн хог, хаягдлын 35 хувийг дахин боловсруулах боломжтой болж байгаа бөгөөд энэ нь байгаль орчны бохирдлыг багасгахаас гадна эдийн засгийн хувьд ч ашиг авчрах юм. Одоогийн байдлаар, Хайнаньд хогийг тусгай цэгүүд дээр авчран шатаах арга хэмжээг авч байгаа билээ.
Бэлтгэл ажлын хүрээнд хог, хаягдлыг дахин боловсруулах 21 байгууламж барьж, хаягдлыг ангилан хүлээж авах 16 цэг, дахин боловсруулах боломжгүй хогийг устгах таван байгууламжийг ашиглалтад оруулахад бэлэн болоод байна. Түүнчлэн, хөдөө тосгон, сууринд хог ангилахад зориулсан савуудыг байршуулан, түүнийг боловсруулах байгууламж руу хүргэх төхөөрөмж, машинуудыг бэлджээ. Үүнээс гадна, ахуйн хаягдлыг хэрхэн ангилахыг оршин суугчдад заах, үүний ач холбогдлыг таниулах сургалт, ухуулгын ажлыг ч идэвхтэй өрнүүлж буй.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
