БНХАУ-ын Нийгмийн аюулгүй байдлын яамнаас сураггүй алга болсон хүүхдүүдийг хайх, мэдээлэл хүлээн авах онлайн тавцан ажиллуулж байна. Үүний ачаар 2016 оны тавдугаар сараас 2019 он хүртэлх хугацаанд алга болсон 3901 хүүхдийг олж, сургийг нь гаргажээ.
Хүний наймаа, хүүхэд хулгайлах явдалтай тэмцэх ажлын хүрээнд нээсэн “Туаньюань” нэртэй энэхүү сүлжээнд алга болсон хүүхдүүдийн талаарх мэдээллийг байршуулж байгаа нь богино хугацаанд олон хүнд мэдээлэл хүргэх, ингэснээр хүүхдүүдийн сургийг гаргах, олох ажлыг хөнгөвчилж байгаа аж.
Цаашид бусад муж, хотын цагдаагийн хэлтэс, аюулаас хамгаалах ажилтнууд, хүүхдийн эрхийг хамгаалах байгууллагуудтай хамтран техник, технологийн дэвшлийг энэ салбарт нэвтрүүлэх, алга болсон хүмүүс, хүүхдүүдийн мэдээллийг түгээх, хүлээн авах цахим хуудас, сүлжээг олноор ажиллуулах, мөн эцэг эх, асран хамгаалагчдад зориулсан сургалт, сонордуулгыг түгээх зэрэг ажлыг хийхээр төлөвлөж байна.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
