2018 оны байдлаар БНХАУ-д төрсөн хоёр хүүхэд тутмын нэг нь гэр бүлийнхээ хоёр дахь хүүхэд байгааг “Синьхуа” агентлаг мэдээлжээ. Тус улсын Эрүүл мэндийн улсын хорооноос гаргасан судалгаанд өгүүлснээр, өнгөрөгч онд мэндэлсэн нийт хүүхдийн тал хувь нь буюу 15.23 сая хүүхэд айлын бага, өөрөөр хэлбэл хоёр дахь хүүхэд байна.
Эх, үрсийн эрүүл мэндийг хамгаалахад төрөөс баримталж буй бодлогын дагуу эмнэлгийн үйлчилгээ сайжирсныг дагаад эхийн болон нярайн эндэгдэл ч сүүлийн жилүүдэд буурсан үзүүлэлттэй байгааг энэ судалгаанаас харж болох нь.
Мөн томоохон хотуудын худалдааны төв, албан байгууллагад нярай хүүхэдтэй эхэд зориулсан ариун цэврийн өрөө гаргаж буй нь хүүхдээ хөхүүлэх, хуурайлах тав тухтай нөхцөлийг бүрдүүлж буйг онцолжээ.
Хятадад “Нэг гэр бүл-Нэг хүүхэд” бодлогод 2016 оноос өөрчлөлт оруулж, гэр бүл хоёр хүүхэдтэй байхыг зөвшөөрсөн бөгөөд сургуулийн өмнөх боловсрол олгох, цэцэрлэгийн тоог нэмэх, хоёр хүүхэдтэй гэр бүл орон сууц худалдан авах нөхцөлд хөнгөлөлт үзүүлэх, эмнэлгийн үйлчилгээг хүргэхэд онцгой анхаарч, нийгмийн хангамж, халамжийн бодлогыг хэрэгжүүлж ирсэн юм.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
