БНХАУ-ын иргэд энэ оны арваннэгдүгээр сарын сүүлчээс эхлэн гар утасныхаа дугаарыг солилгүйгээр, хэвээр үлдээн үүрэн телефоны операторын хооронд шилжих боломжтой болж байна. Тус улсын Үйлдвэр, мэдээллийн яамнаас энэ талаар албан ёсоор мэдэгджээ. “Синьхуа” агентлагийн мэдээлж буйгаар, одоогоор таван мужийн хоёр сая орчим хэрэглэгч туршилтын журмаар ийнхүү оператор компаниа солиод байгаа бөгөөд арваннэгдүгээр сарын 30-наас орон даяар уг үйлчилгээ нэвтэрч эхэлнэ.
Хятадын үүрэн холбооны гурван том оператор болох “Чайна Мобайл”, “Чайна Юнион”, “Чайна Телеком” компаниуд энэ хугацаанд сүлжээ болон хэрэглэгчийн мэдээллийн сүлжээнд шинэчлэл хийх юм.
Ингэснээр иргэд өөрийнхөө хэрэгцээ шаардлагад тохирсон үйлчилгээ, оператор компаниа сонгохын зэрэгцээ удаан хугацаанд хэрэглэсэн гар утасны дугаараа хэвээр үлдээх боломжтой болж байгаа юм. БНХАУ-ын олон үйлчилгээ, харилцаа холбооны тавцанд гар утасны дугаараар бүртгүүлэн нэвтэрдэг учир иргэд онцын шаардлагагүй тохиолдолд дугаараа солих төдий л дуртай биш байдаг.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
