Хятадын Үндэсний хөгжил, шинэчлэлийн хороо энэ талаар өчигдөр мэдээллээ. Олон улсын зах зээл дээрх нефтийн үнийн өөрчлөлттэй холбоотойгоор одоогийн мөрдөж байгаа боловсруулсан түлшний үнийн тогтолцооны дагуу үнэд өөрчлөлт орсон байна. Ингэснээр тавдугаар сарын 13-ны 00.00 цагийн байдлаар Хятадын бензин, дизелийн үнэ тонн тутамд 75 юаниар буурчээ. Энэ нь бензин, дизелийн үнэ литр тутамд зургаан хувиар буурсан гэсэн үг аж.
Үндэсний хөгжил, шинэчлэлийн хорооны холбогдох албаны хүн Хятадын газрын тос (PetroChina), Хятадын газрын тос, химийн корпораци (Sinopec), Хятадын далайн газрын тос (CNOOC) зэрэг томоохон гурван компанид боловсруулсан газрын тосны үйлдвэрлэл, хуваарилалт, тээвэрлэлтийг зохион байгуулж, зах зээлд тогтвортой нийлүүлэх, үндэсний үнийн бодлогыг хатуу чанга баримтлах хэрэгтэйг сануулжээ. Мөн холбогдох байгууллагуудад хяналт шалгалтыг сайжруулж, үндэсний үнийн бодлогын хэрэгжилтийг мөрдөөгүй бол хатуу шийтгэж, хэв журмыг чанд сахин мөрдөхийг анхааруулсан байна.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
