Тэнгисийн уснаас хөөргөх Хятадын анхны пуужин ирэх зургадугаар сард задгай сансарт гарахаар болжээ. “Long March-11” нэрт пуужин дэлхийн тойрог замд гарсан цагаасаа хиймэл дагуул хөөргөх, хянах үүрэг гүйцэтгэх юм байна. Энэхүү тээвэрлэгч пуужингийн сансарт авч гарах хиймэл дагуулуудыг Хятадын “Чань Гуань” хиймэл дагуулын технологийн компанид тусгайлан бүтээж буй бөгөөд одоогоор уг компанийн “Жилинь-1” загварын 12 хиймэл дагуул задгай сансарт ажиллаж байгаа аж.
Хятад улс далай тэнгисийн уснаас пуужин хөөргөх технологид хэдийнээ дэлхийд тэргүүлэгчийн нэг болжээ. Дээрх “Чань Гуань” компаниас мэдээлснээр зөвхөн энэ оны сүүлч гэхэд тус улс 20 хиймэл дагуул шинээр хөөргөх гэнэ. Ингэснээр сансарт ажиллах Хятадын хиймэл дагуулын тоо 32-т хүрэх аж. Мэргэжилтнүүдийн онцолдогоор тэнгисээс пуужин, хиймэл дагуул хөөргөх нь хуурай газар дээрх нарийн ажиллагаанаас илүү аюулгүй, илүү чөлөөтэй байдаг байна. Хэрэв зургадугаар сарын ажиллагаа амжилттай болбол тэнгисээс пуужин хөөргөх технологийг “Бүс ба зам”-ын орнуудад нэвтрүүлэх аж.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
