Харбин хотын галт тэрэгний буудал нь 115 жилийн түүхтэй. Зургаа дахь удаагаа өргөтгөл, шинэчлэл хийн, өнгөрсөн арванхоёрдугаар сард ашиглалтад орж, үйл ажиллагаа явуулж эхэлсэн байна. Харин өчигдрөөс Хятад даяар Цагаан сарын баярт зориулсан тээврийн үйлчилгээ албан ёсоор нээлтээ хийсэн. Үүнийг тохиолдуулан Хятадын төмөр замын “Харбин групп” ХХК, Хэйлонжян мужийн соёл, аялал жуулчлалын газартай хамтран зорчигчиддоо зориулан тоглолт хийгээд эхэлжээ. Тодруулбал, галт тэрэгний буудлын хүлээлгийн танхимд сонгодог хөгжмийн тоглолт зохион байгуулах болсон байна.
Хэйлонжян мужийн Дуу бүжгийн театрын найрал хөгжимчид дэлхий алдартай хэд хэдэн сонгодог бүтээлийг энэ үеэр тогложээ. Энэ нь зорчигдод халуун дулаан уур амьсгал бүрдүүлэхээс гадна хөгжмийн боловсрол, мэдлэгт нь хувь нэмэр оруулах зорилготой аж. Үүнээс өмнө өнгөрсөн оны хоёрдугаар сард Чанчүн хотын галт тэрэгний буудалд мөн ийм тоглолт болж байжээ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
