Өмнөд Хятадын тэнгис дэх Шиша арлуудын дунд орших 300.89 метр гүн Луугийн нүх хэмээх хонхорхойг албан ёсоор дэлхийн хамгийн гүн “хөх нүх”-ээр тодорсныг Хятадын Далай тэнгисийн хүрээлэн буй орчны урьдчилсан мэдээллийн төвөөс (NMEFC) уламжиллаа. Мэргэжилтнүүдийн “хөх нүх” хэмээн нэрийддэг далайн тэнгисийн ёроол дахь гүн нүх нь ердийн хонхорхой, нам дор газрыг бодвол доошлох тусмаа тойрог нь нарийсдаг, эгц доош чиглэлтэй шулуун нүх бөгөөд дотор нь тунаж тогтсон ус нь гол төлөв оршин буй далай тэнгисийн уснаасаа өөр найрлагатай, хавьгүй амьд организм ихтэйгээрээ өвөрмөц юм. Луугийн нүхнээс өмнө Багамын арлуудын нутагт орших 202 метр гүн Дийний нүхийг дэлхийн хамгийн гүн “хөх нүх” хэмээн үзэж байжээ.
Амсарын голч нь 130-аад метр, ёроолынх нь голч 36 метр Луугийн нүх нь ер бусын номин цэнхэр өнгийн устай аж. Аварга нүхний дээд хагаст тэнгисийн 20 орчим зүйлийн амьтан, ургамал амьдардаг байна.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
