Хятад улс “Төвдийн анагаах ухааны арга”-аа албан ёсоор НҮБ-ын соёлын биет бус өвийн жагсаалтад оруулсан байна. Өчигдөр Мавритий улсын нийслэл Порт-Луйс хотноо болсон НҮБ-ын ЮНЕСКО-гийн соёлын биет бус өвийг хамгаалах Засгийн газар хоорондын комиссын 13 дугаар ээлжит хурлаар энэ талаар хэлэлцжээ. Ийн Хятадын талаас санал тавьсаны дагуу “Төвдийн анагаах ухааны арга”-ыг НҮБ-ын ЮНЕСКО-гийн хүн төрөлхтний соёлын биет бус өвийн төлөөллийн жагсаалтад бүртгэсэн аж. Ингэснээр Хятад улсын 40 төсөл ЮНЕСКО-гийн соёлын биет бус өвтэй холбоотой жагсаалтад багтаж байгаа аж. Эдгээрээс 32 нь соёлын биет бус өвийн төлөөллийн, долоо нь яаралтай хамгаалах, нэг нь онцгой жагсаалтад оржээ.
Сонирхуулахад, үндэснийхээ соёлын биет бус өвийг ЮНЕСКО-д бүртгүүлж баталгаажуулна гэдэг нь тухайн улс үндэстний нэр төрийн хэрэг бөгөөд нөгөө талаар дэлхийн өмнө хүлээсэн үүрэг хариуцлага юм. Тухайн өвийг орон нутаг, улс үндэстэн, олон улсын түвшинд танин мэдүүлж, хадгалж хамгаалах, сэргээн амилуулах, түгээн дэлгэрүүлэх нь хамгийн чухал байдаг. Харин Төвдийн анагаах ухаан нь байгалийн гаралтай эмчилгээний аргууд болон олон зууны туршлагад үндэслэсэн өөрийн онцлог эмчилгээний уламжлалтай гэнэ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
