Синьхуа агентлаг “хиймэл” нэвтрүүлэгчтэй болжээ

11-09-2018 16:09

Хятад улс хиймэл оюун ухааны хамгийн сүүлийн үеийн дэвшлийг ашиглан бүтээсэн "AI нэвтрүүлэгч"-ийг Дэлхийн интернэтийн тавдугаар их хурлын үеэр танилцууллаа.
Энэ сарын 7-нд БНХАУ-ын Ханжөү хотноо болж буй тус хуралд олон шинэлэг бүтээлүүдийг танилцуулснаас Синьхуа агентлаг Sogou компаний хамтран тус бүтээл олон нийтийн анхаарлыг татжээ. Энэхүү шинэ бүтээл нь бүх төрлийн дуу авиаг дуурайх чадвартай бөгөөд радио телевизийн салбарт өмнө байгаагүй онцгой дэвшилд тооцогдож байгаа юм. Нэвтрүүлэгч хөтлөгчийн дуу хоолой болон уруулын хөдөлгөөн, царай нүүрний хувирлыг бүрэн дуурайдаг аж. "AI нэтрүүлэгч"-ийг олон нийтэд танилцуулсан тухайн өдрөөс эхлэн Синьхуа агентлаг гар утасны апликейшндээ туршин ашиглаж эхэллээ.