CCTV.com Монгол > Зургаар өгүүлэхүй > Хятадын сонин хачин

Олон улсын “Пандагийн долоо хоног” эхэллээ

08-23-2018 18:00

Хулсны баавгай Пандагийн нэрэмжит олон улсын долоо хоногийн аяны нээлт өнөөдөр Бээжин хотноо боллоо.
Эл аяны хүрээнд хулсны баавгайг дэлхий нийтэд танилцуулах, устахын ирмэг дээр байсан эл амьтныг Хятад улс хэрхэн авран хамгаалж тоо толгойг нь олшруулсан арга туршлагыг сурталчлах, аварга Пандагийн жишгээр дэлхийд нэн ховордсон бусад төрлийн амьтныг хамгаалахыг олон нийтэд уриалах цуврал ажлууд хийгдэх юм байна. Мөн Хятадын Сычуань, Америкийн Нью-Йорк, Английн Лондон зэрэг муж, хотуудад ч “Пандагийн долоо хоног” үргэлжлэх юм. Хятад улсын Хулсны баавгай пандаг авран хамгаалах байгууллагаас
олон улсын дэмжлэгтэй зохион байгуулж буй тус арга хэмжээний нээлтэд Панда хамгааллын олон улсын төслүүдийн удирдах ажилтнууд, Бээжин хотод суугаа гадаадын Элчин сайд нар оролцлоо. Мөн үеэр Панда хамгааллын чиглэлээр ажилладаг байгууллагуудын онол практикийн хурал, “Хулсны баавгай-Аварга панда” үзэсгэлэнгийн нээлт болж зочид төлөөлөгчид тус арга хэмжээнд биечлэн оролцсон юм.
Хятад улс 1983 оноос хулсны баавгайг төрийн хамгаалтад авч авран хамгаалах ажлыг эрчимжүүлсэн бөгөөд улсын хэмжээнд өнөөдрийн байдлаар 1864 панда эх байгальдаа амьдарч байна. Мөн тэдэнд зориулсан тусгай хамгаалалтын 67 бүс байдаг ажээ.

  

 

Найруулагч:С.Бүрэнбаяр | Эх сурвалж:
CCTV.com
Шинэ мэдээ

Хамтрагч байгууллага

Бусад хэлээр

860010-1116160100