Эмчид үзүүлэх, эрүүл мэндийн үзлэг, зөвлөгөө авах завгүй хүмүүст зориулсан онлайн үйлчилгээ Энэтхэгт нэвтэрч эхэллээ. “MFine” нэртэй энэхүү аппликэшний тусламжтайгаар эмч нартай холбогдож, утсаар, бичгээр, видео хэлбэрээр зөвлөгөө авах боломжтой болжээ. Шинэ Дели зэрэг том хотод хүмүүс олон цагаар ажилладаг, завгүй, эмнэлгийн үйлчилгээ хүртээмжтэй бус, эмч нарын ачаалал их зэрэг асуудлыг харгалзан үзэж энэхүү үйлчилгээг нэвтрүүлсэн аж. Хэрэглэгчид сүлжээнд нэвтэрч, өөрийн мэдээллээ оруулан бүртгүүлээд, тусламж хэрэгтэй буйгаа мэдэгдэх товчлуур дээр дарна. Хэдэн минутын дараа онлайн дуудлага авсан эмч хэрэглэгчтэй холбогдож зөвлөгөө өгнө. ДЭМБ-ын мэдэгдэж буйгаар, Энэтхэгт нэг эмчид дунджаар 11 мянган өвчтөн, нэг эмнэлэгт 55 мянган өвчтөн ногддог. Ийм ачаалалтай салбарт технологийн дэвшлийг ашиглан, өөрчлөлт хийх ёстой гэж үзсэн Бангалорын технологийн компанийнхан энэхүү программыг анх зохион бүтээж нэвтрүүлжээ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
