CCTV.com Монгол > Мэдээ > онцлох

Сурагчид гар утас хэрэглэхийг хоригложээ

08-03-2018 17:59

Дунд сургуулийн сурагчид, тэр дундаа 3-15 насны хүүхдүүдийг сургуулийн орчинд ухаалаг гар утас, таблет, зэрэг интернэтэд холбогдож болох төхөөрөмж хэрэглэхийг хориглох тухай хууль Францын эрх баригчид гаргасныг CNN уламжлав. Харин 15 наснаас дээш буюу ахлах ангийн сурагчид ухаалаг гар утасныхаа хэрэглээг өөрсдөө мэдэн зохицуулах гэнэ.

Ирэх оны есдүгээр сараас буюу шинэ хичээлийн жилээс энэхүү хууль хэрэгжиж эхлэх юм. Бага насны хүүхдүүд, сурагчдын сурах үйл явц, хичээлд анхаарлаа төвлөрүүлэхэд нь гар утас, таблет зэрэг ухаалаг төхөөрөмж саад болдог, цаашлаад ийм төрлийн техникийн хэтийдсэн хэрэглээ  эрүүл мэнд, сэтгэхүйд нь хор учруулахаас болгоомжлон ийм хууль гаргаснаа хууль тогтоогчид онцолж байна.  

Найруулагч:С.Бүрэнбаяр | Эх сурвалж:
CCTV.com
Шинэ мэдээ
860010-1116160100