БНХАУ-ын даргын АНЭУ-д хийх айлчлалыг угтсан нийтлэл
07-19-2018 10:45
Өчигдөр АНЭУ-ын “Холбооны сонин”, “Этникил” зэрэг томоохон хэвлэлүүдэд БНХАУ-ын дарга Ши Жиньпний “Хамтран урагшилж, хамтдаа ирээдүйгээ цогцлооё” гэдэг нэртэй тусгай өгүүлэл нийтлэгджээ. Энэ нь тус улсад хийх Ши Жиньпин даргын төрийн айлчлалыг угтан зохион байгуулсан ажил юм.
БНХАУ-ын даргын айлчлал өнөөдөр эхэлж байгаа бөгөөд энэ нь түүний БНХАУ-ын даргаар улиран сонгогдсоны дараа хийж буй анхны гадаад айлчлал болж байгаа билээ. Хятад Арабын ард түмэн өнө эртний найрамдалт харилцааны түүхтэй. 2015 оны 12-р сард, Абу Дабигийн вангийн ширээ залгамжлагч Мухмед Хятад улсад айлчлан, хоёр улсын харилцаа хамтын ажиллагааг хөгжүүлэх талаар нэгдсэн ойлголтод хүрч, Хятад Арабын найрамдлыг шинэ шатанд гаргасан юм. БНХАУ-ын дарга Ши Жиньпин энэ удаагийнхаа айлчлалаар тус орны удирдагчидтай хамтын ажиллагааны хэтийн төлвийг тогтоохоос гадна энэхүү хамтын ажиллагаагаа хоёр орны ард түмэнд өгөөжтэй байлгахын төлөө чармайна гэдгээ өгүүлэлдээ цохон тэмдэглэжээ.