Синьхуа агентлагийн мэдээ: 25-нд, ОХУ-ын Баруун Сибирийн өмнөд нутгийн Кемерово хотын худалдааны төвд гарсан түймрийн улмаас наад зах нь 37 хүн амиа алджээ. TAСС агентлагийн мэдээлснээр: ОХУ-ын Мөрдөн шалгах газар тус худалдааны төвд гарсан түймрийн улмаас наад зах нь 37 хүн амиа алдсан хэмээн нотолсон юм. Үүнээс гадна, түймрийн улмаас 43 хүн шархдаж, 70 хүн сураггүй байна.
Энэ сарын 25-нд ОХУ-ын Кемерово мужийн төв Кемерово хотын Лениний өргөн чөлөөний 35 тоот худалдааны төвд түймэр гарсан юм. Гал түймэр тус барилгын 4 давхраас эхэлж, 1500 ам дөрвөлжин метр талбайтай барилгыг тэр чигт нь хамарчээ. Одоогийн байдлаар, ил галыг унтраасан бөгөөд гал сөнөөх, авран туслах ажил үргэлжилсээр байна.
Одоогоор түймэр гарсан шалтгааныг тогтоож амжаагүй байгаа бөгөөд ОХУ-ын холбогдох байгууллага мөрдөн шалгаж гал түймрийн шалтгааныг тогтоохоор ажиллаж байна.
/ Далайнтуяа/
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
