CCTV.com Монгол > Мэдээ > Дотоод мэдээ

Хятад 13.51 сая ажлын байр бий болгожээ

03-06-2018 15:21

 Өчигдөр нээлтээ хийсэн 13 дахь удаагийн БХАТИХ-ын анхдугаар чуулганы үеэр Хятадын төрийн зөвлөлийн Ерөнхий сайд Ли Кэчян Засгийн газрын хийсэн ажил болон 2017 оны үндэсний эдийн засаг нийгмийн хөгжлийн төлөвлөгөө, төв болон орон нутгийн төсвийн хэрэгжилтийн талаар илтгэл тавьсан юм. Түүнчлэн 2018 оны эдийн засаг, нийгмийн хөгжлийн төлөвлөгөө, төсөв, үндсэн хуулийн нэмэлт өөрчлөлтийн төслийг танилцуулжээ.

 Тухайлбал, өнгөрсөн 2017 онд Хятадын нийгэм, эдийн засгийн гол зорилго, зорилтууд бүрэн биелэлээ олжээ. Хятадын дотоодын үйлдвэрлэлийн нийт өртөг 6.9, иргэдийн орлого 7.3 хувиар өссөн байна. Мөн хот сууринд 13.51 сая ажлын байр шинээр бий болгож, ажилгүйдлийн түвшин олон жилийн дунджаас хамгийн бага хэмжээнд хүрэн, аж үйлдвэрийн орлого 21 хувиар өсчээ. Түүнчлэн экспорт, импорт 14.2 хувиар өсөж, гадаадын хөрөнгө оруулалт 136.3 тэрбум ам.долларт хүрч, түүхэн дээд амжилт тогтоосон гэнэ.

Гаргагч:С.Бүрэнбаяр | Эх сурвалж:
CCTV.com
Шинэ мэдээ
860010-1116160100