14-нд Бээжин хотноо Хятадын төрийн зөвлөлийн ерөнхий сайд Ли Кэчян "Нэг бүс нэг зам" олон улсын хамтын ажиллагааны дээд хэмжээний чуулга уулзалтад оролцохоор ирсэн Дэлхийн банкны ерөнхийлөгч Жим Ён Кимтэй уулзжээ.
Ли Кэчян Дэлхийн банкны Хятадтай явуулж байгаа хамтын ажиллагааг идэвхтэй үнэлжээ. Тэрээр: Хятад улс дэлхийн хамгийн том хөгжиж байгаа орны хувьд их гүрний хариуцлагатай үүргээ биелүүлж, ядуурлыг бууруулах, хөгжлийг дэмжих зэрэг Өмнөд Өмнөдийн хамтын ажиллагаанд идэвхтэй оролцох болно. Дэлхийн банк олон талт хөгжлийн байгууллагын хувьд олон улсын хамтын нийгэмлэгийг дайчлан эдийн засгийн даяаршлыг ахиулж, хөгжлийн хамтын ажиллагаагаа эрчимжүүлэн хамтдаа хөгжихөд тус дөхөм үзүүлэхийг хүсэж байна гэжээ.
Жим Ён Ким: Дэлхийн банк Хятадтай сайн хамтран ажиллаж байна. Хятадын талын эм эмнэлэг, эрүүл мэндийн тогтолцоог өөрчлөх үйл явцыг ахиулж байгааг өндрөөр үнэлж байна. Энэ нь бусад улс оронд ашигтай туршлага болох юм. Хятадын тал өөрчлөлт шинэчлэлээ гүнзгийрүүлж, шинжлэх ухаан техникийн инноваци бүтээхээ эрчимжүүлэн, шинэ хөдөлгөх хүч бий болгож байгаад Дэлхий банк итгэл дүүрэн байна. Хятадын талтай хамтын ажиллагаагаа үргэлжлэн эрчимжүүлэхэд бэлэн байна гэжээ.
\Гэрэлт орчуулав\
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
