Хятадын ГХЯ 18-ний өдөр хэвлэлийн бага хурал хийж, ГХ-ын сайд Ван И, Хятадын хөгжил өөрчлөлтийн үндэсний хорооны орлогч дарга Ван Шяотао нар "Торгоны замын бүс нутгийн хамтын хөгжил" олон улсын дээд уулзалтын цуврал арга хэмжээг танилцуулж, сэтгүүлчдийн асуултад хариулжээ.
Ван И хэлэхдээ, "Торгоны замын бүс нутгийн хамтын хөгжил" олон улсын дээд уулзалт 5-р сарын 14-15-ны өдрүүдэд Бээжин хотод зохиогдож, Ши Жиньпин дарга нээлтийн арга хэмжээнд оролцох бөгөөд төр засгийн удирдагчдын дугуй ширээний уулзалтыг хөтлөх болно.
Өнөөгийн байдлаар ОХУ-ын ерөнхийлөгч Путин, Монгол улсын ерөнхий сайд Ж.Эрдэнэбат зэрэг нийт 28 орны тэргүүн буюу төр засгийн удирдагч нар дээд уулзалтад оролцохоо мэдэгдсэн байна гэжээ.
Ван И хэлэхдээ, энэ удаагийн дээд уулзалт нь Ши Жиньпин даргын 2013 онд "Торгоны замын бүс нутгийн хамтын хөгжил" гэх хамтын ажиллагааны чухал санааг дурдсанаас хойш Хятадын талаас зохион байгуулж бий хамгийн өндөр зиндааны олон улсын хурал байж олон улсын хамтын нийгэмлэг анхааран дэмжиж байна. Дээд уулзалт нь "олон улсын хамтын ажиллагааг эрчимжүүлэн, "Торгоны замын бүс нутгийн хамтын хөгжил"-г байгуулж, хамтаар хөгжье" гэх агуулгын тойронд явагдах бөгөөд нээлтийн арга хэмжээ, төр засгийн удирдагч нарын дугуй ширээний уулзалт, дээд зиндааны уулзалт зэрэг гурван үе шаттайгаар явагдах болно. Нээлтийн арга хэмжээ 14-ний үдээс өмнө болж, дараа нь дээд зиндааны уулзалт, 15-ны өдөр бүтэн өдрийн турш төр засгийн удирдагч нарын дугуй ширээний уулзалт болно гэжээ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
