22-нд Их Британийн нийслэл Лондон хотын Парламентын байрны ойролцоо террорист халдлага болж, мөн өдөр цагдаагийн байгууллагын мэдээлснээр, 5 хүн амиа алдаж, 40 хүн шархадсан байна.
Орон нутгийн хэвлэлийн мэдээлснээр, мөн өдрийн 14 цаг 40 минутын үед, террорист этгээд машин барьж, Лондон хотын төв дэх парламентын байрны ойролцоо Вестминстер гүүрнээс хойш явган хүн дайрч, 3 цагдаа болон олон хүнийг гэмтээсэн байна. Дараа нь тэр машин замын дэргэдэх хашлага мөргөж зогссон боловч хутга барин, хүмүүсийг хөөж, парламентын байшинд орохыг оролджээ. Аюулгүйн хамгаалалтын нэг цагдааг шархдуулсны дараа террорист этгээдийг цагдаа нар буудаж хороосон байна.
Их Британийн ерөнхий сайд Тереса Мей мөн өдөр онцгой байдлын комиссыг хуралдуулж, зохицуулах арга хэмжээний талаар зөвшилцжээ. Хурлын дараа тэрээр ерөнхий сайдын ордонд мэдэгдэл гаргаж, энэхүү террорист халдлагыг хатуу зэмлэн буруушааж, энэ бол маш харгис террорист халдлага юм гэжээ.
Өдгөө Хятад улсын иргэн шархадсан буюу амиа алдсан тухай мэдээлэл алга байна гэж Хятадаас Их Британид суугаа элчин сайдын яам мэдэгджээ.
Халдлага болсны дараа хуралдаж буй парламентын байр болон эргэн тойрны газруудыг битүүмжлэв. Онц шаардлагагүй бол хотын төвийн ойролцоо явахгүй байхыг цагдаагийн газар анхааруулжээ.
\Урьхан\
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
