22-нд НҮБ-ын Аюулгүйн зөвлөл хуралдаж, Европын Аюулгүй байдал болон хамтын ажиллагааны байгууллагын жижүүр дарга орон болох Австрийн гадаад хэргийн сайд Курзийн ажлын хариу мэдээллийг сонссон байна. Украйны асуудлыг улс төрийн аргаар зохицуулахыг зорьсон холбогдох талуудын дипломат хүчин чармайлтыг үргэлжлэн дэмжиж, тус оронд аль болох хурдан энх тайван, тогтвортой байдал болон хөгжил цэцэглэлтийг тогтоохыг БНХАУ-аас НҮБ-д суугаа суурин төлөөлөгч Лю Же-и олон улсын хамтын нийгэмлэгт хандан уриаллаа.
Лю Же-и "Европын Аюулгүй байдал болон хамтын ажиллагааны байгууллагыг оролцуулсан холбогдох талууд Украйны асуудлыг энхийн арга замаар зохицуулахын тулд идэвхтэй хүчин чармайлт гаргаж ажилласныг Хятадын тал сайшааж байна. Түүнчлэн тус орны байдал даруй эерэг чиглэлээр хөгжиж, холбогдох талууд аюулгүйн зөвлөлийн 2202 тоот шийдвэр болон Минскийн хэлэлцээрийг бүх талаар хэрэгжүүлэн, яриа зөвшилцлөөр асуудлыг бүх талаар, тэнцвэртэй зохицуулах төсөл боловсруулахыг Хятад улс хүсэж байна" гэв.
\Д.Хүчитбаатар\
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
