Олон улсын оюутнуудын өвлийн спортын 28 дахь наадмын нээлтийн ёслол 1-р сарын 29-нд Алма-Атагийн спортын ордонд ёслол төгөлдөр болж, Казахстаны ерөнхийлөгч Назарбаев оролцжээ. Олон улсын Оюутны спортын холбооны дарга Олег Матутсин болон улс орнуудын удирдагч, олон улсын байгууллагын төлөөлөгчид ч нээлтийн ёслолд оролцсон байна. Олон улсын Олимпын хорооны дарга Томас Бач видео бичлэгээр баярын мэнд дэвшүүлжээ.
Нээлтийн ёслол "Өмнөтгөл ", " Залуус-амьдрал-эрх чөлөө", "Эрчим хүч: Газар шороо- ус-салхи- гал" болон "ирээдүй" дөрвөн хэсгээс бүрдэж, "Ирээдүй эрүүл залуусын гарт бий" уриан дор болж, уран сайхны тоглолт нь Казахстаны уламжлалт соёл түүхийг үзүүлж, залуус Казахстаны ирээдүйд найдлага тавьж байгааг харууллаа.
Назарбаев нээлтийн ёслолд үг хэлж, тус наадмыг Алма-Атад зохиож байгаа нь олон улсын оюутны спортын холбооны 171 гишүүн Казахстанд итгэж найдаж буйг харуулж байгаа бөгөөд спорт нь энх тайван, эв нэгдэл, хамтын ажиллагаа, хүсэл мөрөөдлийн бэлэг тэмдэг юм. Казахстанд тавтай морилно уу гэжээ.
Олон улсын Оюутны спортын холбооны дарга Олег Матутсин хэлэхдээ: Тамирчид бол найрамдал, энх тайвны жинхэнэ элч юм. Бүх тамирчид оюутны өвлийн спортын наадмын зориг санааг бадруулж, ялагч болохыг хүсэж байна гэжээ.
Тус наадам 2-р сарын 8 хүртэл үргэлжлэх бөгөөд Хятад улсаас 119 тамирчин оролцож байна.
\Сарантуяа\
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
