ТРР хэлэлцээрээс гаргахаа Трамп албан ёсоор мэдэгдэв
01-24-2017 18:09
Америкийн ерөнхийлөгч Дональд Трамп 23-нд засаг захиргааны зарлигт гарын үсэг зурж, Номхон далай дамнасан түншийн харилцааны хэлэлцээрээс гаргахаа албан ёсоор мэдэгдсэн байна.
Дональд Трамп засаг захиргааны зарлигт гарын үсэг зурах үед хэлэхдээ, ТРР хэлэлцээрээс гарч байгаа нь Америкийн ажилчдын хувьд маш сайн явдал юм гэжээ.
Цагаан ордны хэвлэлийн төлөөлөгч Шон Спайсер мөн өдөр хийлгэсэн хэвлэлийн бага хуралд: Энэ зарлигт гарын үсэг зурсан явдал нь Америкийн худалдааны бодлого шинэ цаг үед орсныг харуулж байна гээд Трампийн засгийн газар ирээдүйд Америкийн холбоотон болон бусад оронд хоёр талын худалдааны нөхцөл боломжийг авчрах болно гэжээ.
Трамп сонгуулийн өрсөлдөөний явцад ТРР хэлэлцээр нь Америкийн үйлдвэрлэлийг дуусгаж орхино гэдгийг олон удаа зэмлэн дурдаад, сонгуульд ялсны дараа том том бүс нутгийн худалдааны хэлэлцээрт дахин гарын үсэг зурахгүй, харин хоёр талын худалдааны гэрээ хэлэлцээрт илүү анхаарал хандуулна гэдгээ амлаж байсан юм. Тэрээр саяхан Америк нэн даруй Канад, Мексиктэй умард Америкийн чөлөөт худалдааны хэлэлцээг шинээр эхлүүлэхээ илэрхийлжээ.
\Ренчинсоо\
