Сүүлийн өдрүүдэд хүчтэй хүйтэн урсгалын нөлөөгөөр Европын олон улсад цаг агаар огцом хүйтэрч байна. Тэгвэл ганцхан долоо хоногийн хугацаанд 60 хүн хүйтрэлийн улмаас амь насаа алдсан гэдгийг Жүншинь агентлаг гадаадын хэвлэл мэдээллээс иш татан энэ сарын 14-ны өдөр мэдээлсэн байна. Тэсгим хүйтэн үргэлжлэхийн хэрээр олон сөрөг үйл явдал, мөн олныг гайхшруулсан мэдээ мэдээлэл гарсаар байгаа юм. Тухайлбал огцом хүйтрэлийн үед Германы баруун хэсэгт орших Дунай мөрний усанд нэгэн үнэг үйж хөлдсөнийг нутгийн анчид гарган авчээ. Үнэг идэш хайн мөрнийг гатлах үед мөс цөмөрсөн ч гарч амжилгүй ийн мөсөн хөшөө болсон байх магадлалтай гэнэ. Гэхдээ өвлийн улиралд амьтад гол дундуур явж байхдаа унаж хөлдөнө гэдэг маш сонин, бараг л тохиолддоггүй гэдгийг нутгийн хүмүүс хэлж байгаа юм. Энэ өвлийн тэсгим хүйтэн цаг агаар олон шинэ үзүүлэлтийг бий болгохын зэрэгцээ Европ тивд ихээхэн хэмжээний хор хохирол учруулж болзошгүй байна. Тэртусмаа Европт дүрвэн ирсэн орон гэргүй иргэдэд туйлын хүндээр тусч байгаа гэнэ.
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
