Сургуулийн товч танилцуулга
Өвөр Монголын “Дэдмаа” урлагийн дээд сургуулийг Хятад улсын алдарт дуучин Дэдмаа анх үүсгэн байгуулсан юм. Тус сургууль нь ӨМӨЗО-ын засгийн газрын зөвшөөрөлтэй, Өвөр Монголын боловсролын системд бүртгэлтэй сургуулиудын нэг.
Тус сургууль нь 2002 оны 9-р сарын 14-ны өдөр байгуулагдаж, дээд дунд сургуулиараа дамжуулан хүүхэд залуучуудад боловсрол олгож байна. Сургууль байгуулагдсанаас хойшхи энэ хугацаанд шилдэг багш нараар эгнээгээ бүрдүүлж мөн профессор, дэд профессор, доктор, Хятад улсын нэгдүгээр зэрэглэлийн тоглогч мөн Монгол улсын гавьяат жүжигчин зэрэг олон эрдэмтэн багш нарыг урьж ажиллуулсан юм. Өнгөрсөн 10 гаруй жилийн хугацаанд Хөх хотын хувийн хүчирхэг 10 боловсролын байгууллага, ӨМӨЗО-ны үлгэр жишээ сургууль, Бүх Хятадын боловсролын системийн тэргүүний хамт олон зэрэг цол хүндэтгэлийг удаа дараа хүртэж байсан.
Сургууль байгуулагдсанаас хойш өнөөдрийг хүртэл ёс суртахууныг зорилго болгож, урлагийг дээдлэн, соёлыг үндэс сууриа болгох боловсролын ерөнхий хөтөлбөрийг баримталж байна.
“Нэг төлбөр, хоёр мэргэжил” болон зайн сургалт практик хослуулсан шинэ загвар хэрэгжүүлж, олон талын мэдлэг боловсрол бүхий оюутнуудыг сурган хүмүүжүүлэхийг гол зорилго болгон ирсэн юм. Мөн соёл урлагийн мэргэжлийн заах арга барилыг зах зээлд нийцүүлэн, цаг үедээ тохируулж, төгсөгчиддөө ажлын байртай болгох тэр зарчимд тулгуурлан шинэчилж байна. Заах арга барилын цар хүрээг өргөтгөж, урлагийн заах барилын шинэ сэтгэмжийг идэвхитэй эрж, урлагийн чадварлаг оюутан бэлтгэсээр ирлээ. Манай сургууль нь дуучин, хөгжимчин, бүжигчин, жүжигчин, монгол үндэстний уламжлалт урлаг судлаач зэрэг төрлөөр боловсон хүчин бэлтгэж байна. Сургууль нь дадлагаар заах арга барилаа голлож, оюутан бүр тоглолтын тайзан дээр гарах нөхцлийг бүрдүүлж, тасралгүй шинийг нээн ажиллаж байна.
Өвөр Монголын “Дэдмаа” урлагийн дээд сургууль, Өвөр монголын “Дэдмаа” урлагийн дунд сургууль нь дуу, бүжиг, хөгжим, жүжигчин , орчин үеийн хөгжим, монгол үндэстний уламжлалт урлагийг уламжлан залгамжлах зэрэг зургаан анги салбартай, монгол хятад хос хэлээр боловсрол олгож байна.
Сургууль нь Өвөр Монголын төв Хөх хотод байрладаг бөгөөд, сургалтын бүрэн бааз, тоног төхөөрөмжтэй, шилдэг багш хамт олонтой. Дунд тусгай мэргэжлийн ангид суралцах оюутнууд албан ёсоор бүртгүүлснээс хойш жил тутам улсаас 4500 юаны тэтгэмж авахын зэрэгцээ ном, сурах бичгийн хураамж авахгүй болно.
Элсэх оюутнууд:
Дунд тусгай мэргэжлийн анги :
5 жилийн сургалт (бага сургуульд суралцагч)
3 жилийн сургалт (дунд сургууль суралцагч)
Дээд тусгай мэргэжлийн анги :
3 жилийн сургалт ( дээд, дунд боловсрол эзэмшсэн )
Богино хугацааны дахин сургах анги: Дээд дунд төгссөн буюу адил зэрэглэлийн боловсрол эзэмшсэн оюутан.
Соёл урлагт дуртай хүүхэд залуус та бүхнийг Өвөр Монголын “Дэдмаа” урлагийн сургуульд хүрэлцэн ирж, насан туршийн боловсрол эзэмшихийг урьж байна. Бид та бүхнийг хүндэтгэн хүлээн авах болно.
Харилцах утас :
Өвөр Монголын “Дэдмаа” урлагийн сургуулийн оюутан элсүүлэх элсэлтийн комиссын албан утас: 0471-4187921 ,
0471-4187922 ,
4006- 112- 166
Хүү багш-13947113242
Бо багш-15034926380, Чэнь багш 15849194009
1Анхуй мужийн цэцэрлэгт хүрээлэн өвлийн эхэнд намрын өнгөөр налайж байна
4Хятад улс 36 мянган га талбайг хүний гараар ойжуулна
5Ногоон эрчим хүчний суурилагдсан хүчин чадал 20.8 хувиар өсжээ
6Цайны тариалангийн өвлийн үзэмж
7Хятад-Европ чиглэлийн 3000 гаруй галт тэрэг Монгол Улсын нутгаар дамжин өнгөрчээ
